ШВЕДИЙН НИЙТИЙН ТЭЭВРИЙН АВТОБУСНЫ ЖОЛООЧ НАР АЖИЛ ХАЯЛТАА ЗОГСООЛОО

Швед улсын томоохон хотуудад 9 хоногийн турш үргэлжилсэн нийтийн тээврийн автобусны жолооч нарын ажил хаялт өчигдөр буюу Пүрэв гарагийн орой Автобусны тээвэр үйлчилгээ эрхлэгчдийн Холбоо, Шведийн Үйлдвэрчний Эвлэл хооронд жолооч нарын цалинг нэмэгдүүлэх, ажлын цагийг багасгах, ажлын байрны баталгаа гаргах зэрэг тохиролцоонд хүрч чадсанаар өндөрлөлөө. Ингэснээр Баасан гарагийн өглөөнөөс эхлэн Шведийн нийтийн тээвэр хэвийн үйл ажиллагаандаа шилжих юм байна.